"ဗန်ဒါရွက်ပေါ်မှ မိုးရေစက်များ"
သင်္ခါရကို သရုပ်ပြဖို့
ကောင်းကင်ဘုံက ခုန်ချလာသလား
ချစ်ခြင်းမေတ္တာ၊ အေးမြခြင်း
စစ်ပွဲတွေဟာ အခုထိ အိုမင်းမသွားကြ။
မိဘမဲ့ ကလေးတစ်ယောက်လို
တိုက်ပွဲကြား စွန့်စားနေရတဲ့ ဒုက္ခသည်လို
ကြွေခြင်းဟာ သိပ်လွယ်နေတယ်။
သေခြင်းဟာ သိပ်လွယ်နေတယ်။
ဖြစ်တည်မှုတစ်ခုအပေါ်မှာ
လျှော်ပစ်လို့ မရတဲ့ ပျက်စီးခြင်းတစ်ခု
ရုပ်,နာမ် ဝေါဟာရတွေထက်
အာလုံးနားလည်လွယ်မဲ့ မျက်မြင်သင်္ကေတ
ဘ၀ဟာ ဘာလဲ...
ငါ့ကို လှမ်းမေးလိုက်သလား
ဘ၀ဟာ ဒါပဲ...
ငါ့ကို လှမ်းပြောလိုက်သလား
နေခြင်း တန်ဖိုး
သေခြင်း တန်ဖိုး
ငါ့စိတ်ထဲ အမြစ်စွဲနေတဲ့ ရောဂါပိုးက
ဆေးမတိုးတော့တာ ခက်တယ်။
အမေ့အိမ်ပြန်ရောက်ဖို့
မြေပြင်ဆီ ခေါင်းတိုးဖောက်ခွဲ
အဲဒီလို ကိုယ့်ကိုယ်ကိုယ် လက်ရဲဖို့ လိုသလား
ငြိမ်းချမ်းရေး၊ အမှန်တရားနဲ့ စိတ်ခံစားချက်
ဖောက်ကနဲ ပေါက်ကွဲပြီး
ကောင်းကင်ဘုံ ပျံတက်သွားတဲ့ မင်းကိုယ်ငွေ့ကို
ငါ မတွေ့လိုက်ဘူး မိုးစက်...။ ။
နွေလူသစ်
Sunday, June 28, 2015
"ဗန်ဒါရွက်ပေါ်မှ မိုးရေစက်များ"
Thursday, June 18, 2015
"ရှေးဟောင်းကျမ်းစာ"
"ရှေးဟောင်းကျမ်းစာ"
လူသုံးနည်းတယ်
နားလည်ရခက်တယ်
ဘယ်လိုလဲ...
အသံထွက်ပြီး မင်း ဖတ်လိုက်သလား။
စွမ်းအားတမျိုးမျိုးကို ရဖို့
နတ်ဒေ၀တာ တစ်ပါးပါးကို မြင်ဖို့
ကြိုတင်စိတ်ကူးယဉ်ထားလား။
ရတနာသိုက်တခုခု
ရှေးဟောင်းမြို့တော်တခုခု
လျို့ဝှက်ခံတပ်တခုခု
မှန်းထားသမျှ
ဘာတခုမှ မင်းမတွေ့ရတဲ့အခါ
သူလိုကိုယ်လို အရေပြားမှာ
သူလိုကိုယ်လို ဒဏ်ရာကို
သူလိုကိုယ်လို အက္ခရာမှာ
သူလိုကိုယ်လို အနုပညာကို
ဖျပ်ကနဲ မင်းမြင်လိုက်ရတဲ့အခါ
သက်ပြင်းကို ခပ်မျှင်းမျှင်း ချ
ဘယ်လိုလဲ....
နောင်တရသွားလား။
ပင်လယ်လို နေဖို့
ကောင်ကင်ယောင် ဆောင်ဖို့
အချစ်အကြောင်း မကျွမ်းကျင်သူ
အပေါ်ယံယဉ်ကျေးမှုနဲ့
လူမှုဆက်ဆံရေးကို ဆေးမကုတတ်သူ
ကွန်ဆာဗေးတစ်
ဘယ်လိုလဲ...
ဒီကျမ်းစာကို
မင်း စုတ်ပစ်လိုက်မှာလား။ ။
နွေလူသစ်
1. 6. 2015
Monday, June 15, 2015
"မှန်ကွဲစများ"
"မှန်ကွဲစများ"
နံရံပေါ်က အပြုံးထဲ
ချိန်ကိုက်ဗုံးတစ်လုံး ထပ်ထည့်ကြည့်တယ်
ဗီဇစိတ်က ဘန်ပိုင်ယာတစ်ကောင်လို
အမှောင်ကို ကြိုက်သွားပြီလား...။
ဒီနေ့သွားရမဲ့ ကြိုးဝိုင်းထဲ
ငါအလဲထိုးရမယ့် ငါ့ရန်သူဟာ
ငါ့သူငယ်ချင်း အရင်းခေါက်ခေါက်
လူတစ်ယောက်ဟာ
လမ်းနှစ်ခုလျှောက်မရတာ ခက်တယ်။
ငါ့အရေပြားပေါ်က တတ်တူးလို
ငါ့စိတ်ထဲ စိမ့်ဝင်နေတဲ့ ငါ့နာကျင်မှု
ဘယ်သူ ဂရုတစိုက် ဖတ်ကြည့်ဖူးလဲ...။
အင်္ကျီကို ချွတ်တယ်
လက်အိတ်ကို စွပ်တယ်
ငါ့ခြေလှမ်းတွေဟာ ကြည့်မှန်ဆီ တရွေ့ရွေ့
ကြည့်မှန်ထဲမှာ
နာကျင်/နာကျည်းနေတဲ့ သားရိုင်းတစ်ကောင်
ငါ့ဗီဇစိတ်ကို ထိုးထိုးဟောင်နေတယ်။
ငါ ပြုံးကြည့်တယ်
ငါ့အပြုံးက အပြုံးနဲ့တူမလာဘူး
ငါ ဟက်ကနဲ တစ်ချက်ရယ်ပြီး
ကြည့်မှန်ကို လက်သီးနဲ့ ထိုးခွဲလိုက်တယ်
ငါ့ဗီဇစိတ်ဟာ အစိတ်စိတ်အမွှာမွှာ...
ဒီနေ့သွားရမဲ့ ကြိုးဝိုင်းထဲ
ငါ အလဲထိုးရမယ့် ငါ့ရန်သူဟာ
ငါ့ရန်သူ အရင်းခေါက်ခေါက်
လူတစ်ယောက်ဟာ
လမ်းတစ်ခုပဲ လျှောက် ရ တယ်။ ။
နွေလူသစ်
14. 6. 2015
နွေလူသစ် (ကဗျာတိုများ)
"ကဗျာဆရာ"
သာမန်ကောင်လေးတစ်ယောက်ပါ
မြစ်ကို လက်ညိုးထိုးပြီး
ကိုယ့်ကိုယ်ကိုယ် ပြန်မျှားခဲ့တာ
ရာသီတာ လွန်သွားတယ်
သစ်သီးက တစ်လုံးမှ မကြွေဘူး။ ။
"ပန်းချီဆရာရဲ့ အတ္ထုပ္ပတ္တိ"
မီးသင့်ဒဏ်ရာကို ဆေးပါးပါးသုတ်ပြီး
ကင်းဗတ်စနဲ့ အုပ်ထားခဲ့တယ်
တစ်ဘဝစာ လောင်ကျွမ်းခြင်းဟာ
ရိုးမြေကျ. . . ။ ။
"လူငယ်"
ယုံကြည်သလောက် လျှောက်ခဲ့တဲ့လမ်းပဲ
တောက်ပသလောက်
ဒဏ်ရာတွေ ရုန်းကြွလည်း
ညကို တေးမဆိုဘဲ သိပ်မယ်။ ။
"ကံမကောင်းတဲ့ကောင်"
ဘာတွေကိုပေးပြီး
ပြန်ရွေးရမယ့် အချစ်လဲ. . .
ငါ့လက်ဖဝါးပေါ်
သင်္ဘောတွေ ခဏခဏ မှောက်နေရဲ့။ ။
နွေလူသစ်
Sunday, June 14, 2015
ဆောင်းမှာပွင့်တဲ့အရောင် (သို့မဟုတ်) Violet
Zaw Zaw Htun
February 18 at 10:06pm ·
၁။
ဆောင်းမှာပွင့်တဲ့အရောင် (သို့မဟုတ်) Violet
ငါတို့ ခရီးထွက်ဖို့ လိုပြီကွယ့်။ ခရမ်းရောင်ဆန်တဲ့ ဂျပန်ဖယောင်းပန်းများ ပွင့်တတ်တဲ့ တောင်ကုန်းကလေးတွေ ဆီ ဖြစ်ဖြစ်၊ ဗွိုင်အိုလက်ပန်းတွေ ပွင့်တတ်တဲ့ လွင်ပြင်တွေဆီပဲ ဖြစ်ဖြစ်၊ နောက်တော့ ခပ်ဖျော့ဖျော့ ခရမ်းရောင် လာဗန်ဒါပန်းများ ရှိတတ်တဲ့ ဆောင်းရာသီဆီကိုဖြစ်ဖြစ်၊ ငါတို့ ခရီးထွက်ကြမယ်လေ။ ဟိုအဝေးက ခရမ်းရောင် လွင်ပြင်အဆုံးဆီကိုပေါ့။ “လာဗန်ဒါ” ဆိုတာ ပန်းတစ်မျိုးပါ။ ခရမ်းဖျော့ရောင်ရှိတဲ့ ပန်းပေါ့။ “လာဗန်ဒါ” ဆိုတာ အရောင် တစ်မျိုးပါ။ ခရမ်းဖျော့ရောင် ရှိတဲ့ အရောင်ပေါ့။ ဒီ လာဗန်ဒါပန်းကို အစွဲပြုပြီး ခေါ်တဲ့အရောင်ကို ခရမ်းပြာရောင် (Lavender) လို့ သူတို့ခေါ်တယ်။ စထရားတပ်(စ်) (Stratus) လို့ ခေါ်တဲ့ တိမ်လွှာတွေဟာ ခရမ်းရောင်ကို ပေးစွမ်းတယ်။ ဒီအရောင်ကို ဖိလစ်ပိုင်လူမျိုးတွေက သူတို့ရဲ့ဘာသာစကားနဲ့ ယူဘီ (Ube) လို့ ခေါ်ပြန်တယ်။ ကန်စွန်းဥတွေရဲ့ အရောင်တဲ့။ စိတ်ပညာရှင်တွေကတော့ လာဗန်ဒါခရမ်းရောင်ဟာ အနုပညာဖန်တီးတတ်တဲ့ စိတ်နဲ့ ဆက်သွယ်နေတယ်လို့ ဆိုတယ်။ အရောင်များကျမ်းကတော့ ကဗျာဆရာတွေဟာ ခရမ်းရောင်ကို ကြိုက်ကြတယ်လို့ ဆိုတယ်
၂။
ခရမ်းပြာဟာ ကဗျာတစ်ပုဒ်လား။ ငါတို့ရဲ့ ခရမ်းပြာရောင်တောင်ပံတွေ ဖြန့်လိုက်စမ်းပါ။ ပြီးတော့ ကမ်းပါးစွန်းတွေပေါ်ဆီ ရွေ့လျားတတ်တဲ့ ဝန်ရိုးစွန်းတွေအထိ သွားရအောင်။ အဲဒီမှာ ကျမ်းစာတွေမရှိဘူး။ အဲဒီမှာ ကျိန်စာတွေလည်း မရှိဘူး။ ခရမ်းပြာကို ဗဟိုပြုထားတဲ့ သက်တံတွေ ရှိတတ်တယ်။ ဗီဆူးဗီးယပ်(စ်) (Vesuvius) မီးတောင်ဟာ အီတလီနိုင်ငံ၊ စစ်စလီကျွန်းနားက ပွန်ပေ (Pompeii) မြို့ကြီးကို အေဒီ ၇၉ မှာ ခရမ်းပြာရောင် ပြာမှုန့်တွေနဲ့ တစ်မြို့လုံး ဖုံးအုပ်ပစ်ခဲ့တယ်လေ။ အဲဒီတုန်းက ခရမ်းပြာရောင်အောက် ဝပ်ဆင်းခဲ့ဖူးတဲ့ မြို့ကြီးတစ်မြို့ အကြောင်းကို နေပယ်(လ်)(စ်)ပြတိုက် (The Museum at Naples) မှာ တွေ့နိုင်သေးတယ်။ သူတို့ရဲ့ ဝိညာဉ်တွေ ခရမ်းပြာထဲ ပိတ်မိနေတာ နှစ်ပေါင်း နှစ်ထောင်နီးပြီပေါ့။ လာဗန်ဒါခရမ်းပြာ (Lavender Blue) ဟာ အင်္ဂလိပ်ကျေးလက် သီချင်းတစ်ပုဒ်ပါ။ လာဗန်ဒါပန်းပွင့်လေးတွေ အကြောင်းကို မာရီလီယန် (Marillion)ဟာ သူ့ရဲ့ Misplaced Childhood အယ်(လ်)ဘမ်ထဲမှာ သီချင်းတစ်ပုဒ်အဖြစ် ရေးစပ်ခဲ့သေးတယ်။
ခရမ်းပြာအတွက်သီချင်းတွေ ငါတို့ဆီမှာ ရှိသေးလား။ အဆောင်ရှေ့က ပလက်ဖောင်းတွေပေါ်မှာ၊ အုတ်ခုံတွေပေါ်မှာ၊ မိုးအလင်းထိ ထိုင်နိုင်တဲ့ လက်ဖက်ရည်ဆိုင်တွေထဲမှာ၊ နှင်းတွေ စိုစွတ်နေတဲ့ မြက်ခင်းတွေပေါ်မှာ ငါတို့ “ဝေးခဲ့ပြီ ပန်းခရမ်းပြာရေ…” လို့ ဘော်ဒါတွေနဲ့ ခပ်တိုးတိုး ညည်းခဲ့ဖူးတယ်။ အဲဒီရက်တွေဟာ ငါတို့ဆီကနေ တိတ်တဆိတ်ထွက်သွားတဲ့ ခရမ်းပြာနေ့ရက်တွေလည်း ဟုတ်ရဲ့။
၃။
အနောက်တိုင်း ပညာရှင်တွေက ခရမ်းပြာကို ကြိုက်တဲ့သူဟာ စိတ်ကူးကောင်းသူ ဖြစ်ရမယ်လို့ ဆိုတယ်။ ကလေးပုံပြင်တွေ ရေးတဲ့သူတွေဟာ ခရမ်းပြာကို ချစ်တတ်သူတွေလို့ စွပ်စွဲပြန်တယ်။ ခရမ်းပြာဟာ စာအုပ်တစ်အုပ် ဖြစ်ခဲ့ရင် ဒီကမ္ဘာမှာ ဖတ်ဖို့အလွယ်ဆုံးပဲ။ စကြဝဠာနဲ့ ကြယ်တံခွန်များရဲ့အရှင် သူတော်စင် စိန့်ဂျာမိန်းကို ကိုယ်စားပြုတဲ့ အရောင်ဟာ ခရမ်းပြာရောင် ဖြစ်တယ်။ သူနဲ့ပတ်သက်တဲ့ အခမ်းအနားတွေမှာ လူတွေဟာ ခရမ်းပြာရောင်ကို ဝတ်ဆင်ကြတယ်။ သူတော်စင်တစ်ပါးကို ကိုယ်စားပြုခွင့်ရတဲ့ ခရမ်းပြာ . . . သင့်ကို ဝတ်ဆင်ဖို့ ကျွန်ုပ် ရှေ့ကို ထွက်လာခဲ့ပြီ။ လာဗန်ဒါခရမ်းပြာနဲ့ အဝါရောင်ဟာ ခရစ်ယာန်ဘာသာရဲ့ အထွတ်အမြတ်ပွဲတော် အီစတာ (Holy day of Easter) ကို ကိုယ်စားပြုတယ်လို့ ဆိုတယ်။ သူတို့ပေးတဲ့ ဆင်ခြေကတော့ အီစတာပွဲတော်ဟာ ဥရောပမှာ လာဗင်ဒါပန်းများပွင့်တဲ့ ဆောင်းဦးမှာ ကျင်းပတဲ့အတွက် သူတို့ဟာ အဲဒီအရောင်ကို ဝတ်ဆင်ကြတယ်လို့ ဆိုတယ်။ လာဗန်ဒါ ခရမ်းပြာဟာ မထင်မှတ်ဘဲ ဆောင်းဦးကို ကိုယ်စားပြုခွင့် ရခဲ့တယ်။ ဖန်ဆင်းရှင်ဟာ ခရမ်းပြာပန်းတွေပွင့်ဖို့ လူတွေဆီကို နှစ်စဉ်နှစ်တိုင်း ဆောင်းဦးကို လက်ဆောင်အဖြစ် ပေးသနားတယ်။
ကလေးတွေ သိပ်ကြိုက်တဲ့ ပိုကီမွန်ဂိမ်း (Poke’mon Game) ထဲမှာပါတဲ့ မြို့ကို ပရိုဂရမ်ရေးဆွဲခဲ့သူက လာဗန်ဒါမြို့ (Lavender Town) လို့ ခေါ်ခဲ့တယ်။ ဂျေကေရိုးလင်း (J.K. Rowling) ကရော ဘာထူးသေးလဲ။ သူမရဲ့ ဟယ်ရီပေါ်တာ ဇတ်လမ်းတွဲထဲက တစ်ယောက်ကို လာဗန်ဒါဘရောင်း (Lavender Brown) လို့ နာမည်ပေးခဲ့တာပါပဲ ။
Zaw Zaw Htun
February 18 at 10:09pm ·
၎။
အရောင်ပညာရှင် အမန်ဒါစမစ် ဆိုတဲ့ အဘွားကြီးကတော့ ခရမ်းပြာရောင်ဟာ အချစ်စိတ်၊ မူးယစ်ဆေးဝါးနဲ့ ရော့ခ်အင်ရိုးဂီတကို ကိုယ်စားပြုပါတယ်ဆိုပြီး အတိအလင်း ကြေညာခဲ့တယ်။ ချစ်သော ခရမ်းပြာ. . . သင်ဖြစ်ချင်တာ ဖြစ်ခွင့်ရှိတယ်။ ငါ့ရဲ့ အသက်ရှူခွင့်နဲ့ အရာအားလုံးကို ယူသွားခွင့်ရှိသေးသည်။ ချစ်ခြင်းကိုတော့ ငါ့အတွက် ချန်ထားပါ။ အဲဒါကို ငါ့ရဲ့ နောက်ဆုံးညစာ ဖြစ်ခွင့်ပေးပါ။ ရစ်ချက်ဂဲလ်မင်း (Richard Gilman) ရဲ့ “The Strange like of an Epithet” စာအုပ်အဖုံးက လာဗန်ဒါခရမ်းပန်းတွေပုံကြောင့်နာမည်ကြီးခဲ့တယ်။ ခရမ်းပြာဟာ ခရမ်းရောင် (Violet) ရဲ့ အသွင်ကွဲတစ်ခုဖြစ်လို့ တချို့သော အချက်တွေမှာ ဗွိုင်အိုလက်နဲ့ ဆင်တူတာ သိပ်တော့ မထူးဆန်းဘူးလေ။ ဗွိုင်အိုလက်ပန်းတွေကြောင့် ငါတို့ဟာ ခရမ်းရောင်ကို ဗွိုင်အိုလက်လို့ ခေါ်ခွင့်ရခဲ့တယ်မဟုတ်လား။ ကဲ . . . ဗွိုင်အိုလက်ပန်းတွေဆီ ခရီးဆက်ကြစို့။ မှတ်တမ်းတွေအရတော့ ၁၉၅၀ မှာ ကလေးတွေ ပုံဆွဲဖို့ခရမ်းရောင်ခဲတံတွေ အမြောက်အများ ထုတ်လုပ်ခဲ့တယ်။
တရုတ်ရှေးဟောင်းပန်းချီသဘောအရ ခရမ်းရောင်ကို အာကာသရဲ့ လိုက်ဖက်အရောင်လို့ ခေါ်ပြန်တယ်။ သူတို့က အနီရောင် (ယန်) နဲ့ အပြာရောင် (ယင်) ပေါင်းစပ်တဲ့အတွက် ခရမ်းရောင်ကို သဘောကျကြတယ်။ လူတွေက ဘလက်(ခ်)ဘယ်ရီ (Black Berry) လို့ ခေါ်တဲ့ ဘယ်ရီသီးတွေရဲ့ အရောင်ဟာ အနက်ရောင်မဟုတ်ဘဲ ခရမ်းရောင်ဖြစ်တယ်လို့ ဥရောပပန်းချီပညာရှင်တွေက သဘောတူပေးခဲ့ပေမယ့် လူတွေဟာ ခုထိ ဘလက်(ခ်)ဘယ်ရီလို့ ခေါ်နေတုန်းပဲ။ အင်္ဂလိပ်တွေဟာ ချော့ကလက်တွေကို ခရမ်းရောင်စက္ကူနဲ့ ထုပ်ပိုးတဲ့ အလေ့အထ ရှိတယ်။ သူတို့ကကတော့ ခရမ်းရောင်ဟာ စည်းစိမ်ကို ကိုယ်စားပြုလို့ ချော့ကလက်မှာ ထုပ်ပိုးပါတယ်လို့ အကြောင်းပြရှာတယ်။ ခေတ်သစ်ဒဿနဗေဒ (New Age Philosophy) ရဲ့ အလိုအရ ခရမ်းရောင်ဟာ ခုနစ်ခုမြောက် ချက်ကရာ (The Seventh Chakra) လို့ ပြောပြန်တယ်။ အတည်ပြုဖို့ စောသေးတဲ့ အဆိုတစ်ခုကတော့ ဖန်တီးမှုထက်သန်တဲ့ လူတစ်ဦးရဲ့ ပုံရိပ်တွေမှာ ပထမဆုံး ခရမ်းရောင်တွေ ဖြာထွက်နေလေ့ရှိတယ်လို့ ဆိုပြန်တယ်.
Zaw Zaw Htun
February 18 at 10:12pm ·
၅။
သူတို့ပြောတဲ့ လူအမျိုးအစားတွေထဲမှာ ပလွေပညာရှင်တွေ၊ ကွမ်တမ်ရူပဗေဒပညာရှင်တွေ၊ ပါဖောမင့်ပန်းချီသရုပ်ပြသူတွေ၊ ဓါတ်ပုံဆရာတွေ ပါတယ်။ ခရမ်းရောင်ဟာ မြင်ခြင်းရဲ့ ဟိုဘက်ခန်းမှာ ရှိတယ်။ ချစ်ခြင်းကို စိတ်ကုန်နေသူတွေကို ခရမ်းရောင်အခန်းထဲမှာ ထားသင့်တယ်လို့ စိတ်ပညာရှင်တွေက ဆိုတယ်။
ငါ ခရမ်းရောင်ကို ဆာလောင်တယ်။ မီးခွက်စောင့်ဘီလူးဖြစ်စေ၊ ပုလင်းခွံထဲက နတ်သမီးဖြစ်စေ ငါ့ကိုပေးပါ။ ဒီအရောင်ကို ဘယ်သူဖန်ဆင်းခဲ့သလဲ။ ရောမတွေက ခရမ်းရောင်ကို အလင်းနတ်မင်းကြီးရဲ့မြေးတော် အိုင်းရစ် နတ်သမီးက ဖန်ဆင်းခဲ့တယ်လို့ ဆိုတယ်။ လောကကြီး အေးချမ်းဖို့ အရောင်တစ်မျိုး အလိုရှိနေတဲ့ နတ်တို့ရဲ့အရှင် “ဇု” နတ်မင်းကြီးကို “အိုင်းရစ်” နတ်သမီးဟာ ခရမ်းပြာရောင်ကို ဆက်သခဲ့တယ်လို့ ဆိုတယ်။ နောက်တော့ သက်တံတွေကို အပိုင်စား ရခဲ့ပြန်တယ်။ ခရမ်းရောင်ဟာ လျှို့ဝှက်ခြင်းလား။
“မေတ္တာစိတ်သည် လျှို့ဝှက်ခြင်းနှင့် ကင်းစေလော့ (ရောမသြဝါဒ - ၉:၁၂)” ကို ငါ ရွတ်ဆိုတယ်။
ဗွိုင်အိုလက်ပန်းတွေ သူမရဲ့ အိပ်ရာထက်မှာ ပွင့်ကုန်ပြီလေ။ နယူတန်က ပန်းသီးကြွေလို့ သီအိုရီရတယ်။ ဒါဝင်က မြင်းလှည်းစီးလို့ ဆင့်ကဲပြောင်းလဲပုံကို ရတယ်။ ဇာလတ်က လမ်းကူးမိလို့ အက်တမ်ဗုံးကို ရတယ်။ အာခီမီးဒိက ရေချိုးရင်း ရွှေခိုးခြင်းနိယာမကို ရတယ်။ ပြင်သစ်ကြီး ဒေါက်တာ ရန်းနီး (Rene Laennec)က ကလေးတွေ ကစားတာကိုတွေ့လို့ နားကြပ် (Stethoscope) ကို ရခဲ့တယ်။ အိုင်းရစ်နတ်သမီးဟာ ခရမ်းရောင်ကို ဘယ်က ရသလဲ။
* * * * * * *
ငါတို့ ခရီးထွက်ဖို့ အဆင်သင့် ဖြစ်ပြီလား။ လာဗန်ဒါ ခရမ်းပြာတွေဆီ၊ ဗွိုင်အိုလက်ပန်းတွေဆီ၊ ချစ်ခြင်းမေတ္တာဆီ၊ သက်တံတွေဆီ. . . ။ သင် အဆင်သင့်ဖြစ်လျှင် ကျွန်ုပ်ဆီ လာခဲ့ပါ။ နောက် . . . ခရမ်းရောင် ဝတ်ရုံကို တစ်ပါတည်း ယူလာခဲ့ပါ။
ဇော်ဇော်ထွန်း
(ပန်းအလင်္ကာမဂ္ဂဇင်း၊ ဇန်နဝါရီ၊ ၂၀၀၈)
ပန်းနုရောင်များ၏ရာဇဝင
Zaw Zaw Htun February 20 at 10:18pm · Edited · ၁။ ပန်းနုရောင်များ၏ရာဇဝင်
ပန်းနုရောင် Pink ဟာ ကျွန်တော်တို့ကို ဘယ်လောက်ဖြားယောင်းပါသလဲ။ တချို့က ပန်းနုရောင်ကို ကြိုက်ကြသည်။ တချို့က မကြိုက်ကြပါ။ ကြိုက်သည်ဖြစ်စေ၊ မကြိုက်သည်ဖြစ်စေ ကျွန်တော်တို့ တစ်ခါတရံ ပန်းနုရောင်ဖက်ရှင်နှင့် လတ်ဆတ်သော အရသာတချို့ကို ဆာလောင်တတ်ပါသည်။ ပန်းနုရောင်၏ သမိုင်းအပိုင်းအစများကို မိုးရေစက်တွေရဲ့ အောက်မှာ ဖတ်ရှုခွင့်ကိုလည်း ရခဲ့ကြပြန်သည်။ ပန်းနုရောင် အသွင်ကွဲတစ်ကခု စစ်ပွဲတစ်ပွဲနှင့် ဆက်စပ်နေကြောင်းကို ဝီကီစွယ်စုံ Wikipedia က ဆိုသည်။ ထိုပန်းနုရောင်ကို မာဂျင်တာ (Magenta) လို့ ခေါ်သည်။ ကွန်ပြူတာအရောင်စနစ်၏ အလိုအရ ထိုအရောင်သည် အနီရောင်အား ဖျော့သောအပြာနှင့် ပေါင်းစပ်ရာမှ ဖြစ်ပေါ်လာသည်ဟု ဆိုသည်။ ကွန်ပြူတာစနစ် အရောင်စက်ဝိုင်းတွင် ခရမ်းရောင် (Violet) နှင့် နှင်းဆီရောင် (Rose) ၏ကြားတွင် အတိအကျ နေရာယူသည်။ ထို မာဂျင်တာသည် အလင်းအလျား ၃၈၀ နာနိုမီတာ (nm) ရှိ၍ ခရမ်းရောင်၏ လှိုင်းများပမာဏနှင့် တူညီသည်။ မူလပန်းရောင်တွင် အလင်းလှိုင်းအလျားကို တိုင်းတာရန် စံသတ်မှတ်ချက် မရှိသော်လည်း ပန်းနုရောင်၏ အသွင်ကွဲများကိုသာ အာဂျီဘီ (RGB) စနစ်ဖြင့် တိုင်းတာထားကြသည်။ ဒီလို မာဂျင်တာပန်းရောင် အသွင်ကွဲကို မူလက ဖက်ခ်ျရှိုင်း (Fuchsine) သို့မဟုတ် ရို့စ်ဆိန်း (Roseine) ဟု ခေါ်ကြသည်။ ဒါက စစ်ပွဲတစ်ပွဲ မဖြစ်ခင်အချိန်အထိပါ။
Zaw Zaw Htun February 20 at 10:21pm · Edited · ၃။ (Cerise) မှာ ပန်းရောင်အသွင်ကွဲတစ်မျိုး ဖြစ်ပြီး ထို စီရိုက်စ် အုပ်စုတွင် စီရိုက်စ်ပင့်ခ် Cerise Pink မှ ဟောလိဝုဒ်ပင်ခ် Hollywood Pink အထိ ခြောက်မျိုးတိတိ ပါဝင်သည်။ တော်ဝင်စက်မှုကျောင်း (Royal Institute of Technology) ၏ ဂုဏ်ထူးတန်းကျောင်းသားကြီးများအတွက် သတ်မှတ်ထားသောအရောင်မှာ ထိုပန်းနုရောင်အသွင်ကွဲ Cerise ဖြစ်သည်။ ရော့ခ်အဆိုတော် ဖိုးကျော်ဟာ ပန်းနုရောင်လက်ထပ်ပွဲအကြောင်းကို သီချင်းလုပ်ဆိုခဲ့သည်။ ကျွန်တော်ကြိုက်သော ဆံပင်ပန်းရောင်တိုတို ညှပ်ထားတဲ့ အဆိုတော်မလေး၏ နာမည်မှာ ပင့်ခ်(ပန်းရောင်)ဖြစ်သည်။ ရော့ခ်ဂီတအဖွဲ့တစ်ဖွဲ့၏ နာမည်ဟာ “ပန်းရောင်” ဖြစ်နေတာ သိပ်တော့ မထူးဆန်းပါ။ ရော့ခ်သမိုင်းထဲမှာတော့ ၁၉၇၈ ခုနှစ်က မင့်ခ်ဒီဗိုင်းလီး ရဲ့ ဓာတ်ပြားနာမည်က “ပန်းနုရောင်သို့အပြန်” ဖြစ်ခဲ့တယ်။ အော်တာနေးတစ် ဂီတသူရဲကောင်းအဖွဲ့ တစ်ဖွဲ့ဖြစ်တဲ့ ဆားဗေ့ဂါးဒန်း Savage Garden အဖွဲ့ရဲ့ ပထမဦးဆုံးဓာတ်ပြား “I Want You” ရဲ့ စာသားတချို့ဟာ “ပန်းနုရောင်ခံစားချက်” ဖြစ်လို့နေသည်။ ပန်းချီဆရာကြီး မိုးနေး၏ “ပန်းနုရောင်နှင်းများ” ကို ကျွန်တော်မြင်တွေ့လိုသည်။ အနောက်တိုင်းမှာတော့ အနုပညာရှင် ဒါမှမဟုတ် တီထွင်ဖန်တီးနေတတ်သူတွေရဲ့ စိတ်ခံစားချက်ကို ပန်းနုရောင်နဲ့ ခိုင်းနှိုင်းတတ်သည်။ ဒါကိုပင် သူတို့က ပန်းနုရောင် တတိယမျက်လုံးလို့ ခေါ်ဝေါ်ကြသည်။ ဂျပန်တွေကတော့ မာဂျင်တာအရောင်ကို ပင့်ကူ “Pinku” လို့ခေါ်ကြပါသည်.
Zaw Zaw Htun February 20 at 10:22pm · ၄။ အင်္ဂလိပ်စကားမှာ မိန်းမစိတ်ဝင်နေသူ ဂေးတွေအတွက် ပိုက်ဆံအကုန်ခံတာကို Pink
Pound လို့ ခေါ်ပြီး အရက်အလွန်အကျွံသောက်တဲ့ ယစ်ထုပ်ကြီးတွေကိုတော့ Pink Elephants လို့ ခေါ်သည်။ အနောက်တိုင်း အနုပညာအသိုင်းအဝိုင်းမှာတော့ ပန်းချီပညာရှင် ဂျော်ဂျီယာဖွန်ဒါ (Gioia Fonda) ဟာ ၁၉၉၃ ခုနှစ်ထဲမှာ တစ်ပတ်တိတိ အနုပညာနဲ့ပတ်သက်တဲ့ ပြပွဲလေးပြုလုပ်ခဲ့ပြီး အခြားပန်းချီဆရာများက ထိုပြပွဲကို ပန်းရောင် ရက်သတ္တပတ် Pink Week လို့ အမည်ပေးခဲ့သည်။ ပန်းနုရောင်ဟာ အရင်က အမျိုးသားတွေအတွက်တော့ မိန်းမဆန်တဲ့အရောင် ဖြစ်ခဲ့ပေမယ့် အမျိုးသားဖက်ရှင် ဆရာကြီး ဂျေလူးဝစ်ရစ်ချီ J.Lewis Ritchie ရဲ့ ပန်းရောင်တော်လှန်ရေး Pink Revolution ကြောင့် အခုဆိုရင် အမျိုးသားတွေအတွက် ပွဲတက်အရောင် ဖြစ်နေပါပြီ။ လန်ဒန်မှာတော့ စီးပွားရေးဂျာနယ်နဲ့ မဂ္ဂဇင်းတွေရဲ့ လိုဂိုတွေကို ၁၈၉၃ ကစပြီး ပန်းရောင်တွေနဲ့ ဖော်ပြခဲ့လို့ သင်ဟာ လန်ဒန်မြို့မှာ စီးပွားရေးနဲ့ ပတ်သက်တာတွေ သိချင်ရင် ပန်းရောင်စာအုပ်တွေကို ဆွဲထုတ်လိုက်ရုံပါပဲ။ အရောင်များကျမ်းကတော့ ပန်းနုရောင်ဟာ အမျိုးသမီးများကို ကိုယ်စားပြုသည်ဟု ဆိုပြန်သည်။ မြေပုံတွေထဲမှာတော့ အင်္ဂလန်နှင့် သူ၏မိတ်ဆွေများ ဒါမှမဟုတ် ဓနသဟာယ အဖွဲ့ဝင် Common Wealth of Nations များ၏ နယ်နမိတ်များကို ပန်းနုရောင်လိုင်းများနဲ့ ဖော်ပြခဲ့တယ်။ စပိန်စာပေလောကမှာတော့ အမျိုးသမီးတွေအတွက် ထုတ်တဲ့ စိတ်ကူးယဉ်စာအုပ်မျိုးကို “ပန်းနုရောင်ဝတ္ထု” လို့ ခေါ်ပြန်သည်။ ရော့ခ်ဆရာကြီး အယ်ရိုးစမစ်ရဲ့ သီချင်းတစ်ပုဒ်နာမည်က ပန်းရောင် Pink ဖြစ်ပြီး၊ ပေါ်တူဂီနိုင်ငံမှာတော့ ဆိုရှယ်လစ်ပါတီရဲ့ အရောင်ဟာ ပန်းနုရောင်ဖြစ်သည်။
စုန်း****
Zaw Zaw Htun
February 19 at 12:07pm · Edited ·
၅။
နတ်သမီးပုံပြင်တွေထဲက အသုံးမကျတဲ့ စုန်းမတွေအတွက်၊ လေယူရာယိမ်းနွဲ့တတ်တဲ့ ပင်ဝါးရုံလို ခပ်ပျော့ပျော့လူတွေအတွက်၊ ကဗျာမဖတ်ဖူးတဲ့ ဘူဇွာတွေအတွက်၊ အမုန်းနဲ့လုပ်ထားတဲ့ နေ့တွေအတွက်၊ ငါ့ကိုမေ့ထားတတ်တဲ့ချစ်သူအတွက် . . . နှင်းဆီတွေ မပွင့်ပါနဲ့။ “ညနေတွေရဲ့ အစပြုချိန်တိုင်း နေဝင်ချိန်တွေ ရှိတတ်သလိုမျိုး၊ ကောင်းဘွိုင်တွေက သူတို့ရဲ့ ဆွေးမြေ့မှုကို သီချင်းလုပ်ဆိုကြသလိုမျိုး နှင်းဆီတွေမှာလည်း ပုံပြင်တွေကိုယ်စီ ရှိကြရဲ့” ဆိုတဲ့ ရော့ခ်ဂီတဝိုင်း Poison အဖွဲ့ရဲ့ သီချင်းစာသားကို မှတ်မိသေးလား...ဟေ့လူ။
ငါဟာ မနက်မိုးလင်းတိုင်း နှင်းဆီရနံ့ကို ဆာလောင်တတ်တယ်။ ချစ်ခြင်းကို ကိုယ်စားပြုပါသော အနီရောင်နှင်းဆီ၊ သိမ်မွေ့ခြင်းကို ကိုယ်စားပြုပါသော ပန်းနုရောင်နှင်းဆီ၊ စာနာမှုကို ကိုယ်စားပြုပါသော ပန်းရင့်ရောင်နှင်းဆီ၊ ရင်းနှီးမှုကို ကိုယ်စားပြုပါသော အဝါရောင်နှင်းဆီ၊ လှပချီးမွမ်းမှုကို ကိုယ်စားပြုပါသော ခရမ်းရောင်နှင်းဆီ၊ တည်ငြိမ်မှုကို ကိုယ်စားပြုပါသော အစိမ်းရောင်နှင်းဆီ၊ သန့်စင်မြင့်မြတ်မှုကို ကိုယ်စားပြုပါသော အဖြူရောင်နှင်းဆီ. . . သင်တို့၏ ဘာသာစကားကို ကျွန်ုပ်၏ ဖွက်ထားသော နားရွက်တစ်စုံဖြင့် နားဆင်ခွင့်ပြုပါ။ ဝမ်းနည်းမှုနဲ့ သေဆုံးမှုကို ကိုယ်စားပြုသော နှင်းဆီနက်များအား နတ်ဆိုးများအတွက် ကျွန်ုပ်ဧည့်ခံ ပါရစေ။ “သူ့အမည်က နှင်းဆီမဟုတ်လည်း ချိုမြတဲ့ရနံ့ကို ပေးနေဦးမယ်” ဆိုတဲ့ ရိုမီယိုနဲ့ဂျူးလီးယက် ထဲက ရှိတ်စပီးယားရဲ့ စာသားအတိုင်းပေါ့။ နှင်းဆီရဲ့ ရာဇဝင်မှာ မုသာဝါဒဆိုတာ မရှိခဲ့ဘူး မဟုတ်လား။ ဝီလျံဘလိတ်ကတော့ သူ့ရဲ့ “ဖျားတဲ့နှင်းဆီ” ဆိုတဲ့ ကဗျာတစ်ပုဒ်နဲ့ “အို…နှင်းဆီ . . . သင်ဖျားနာနေပါသလား” လို့ သတင်းမေးဖူးပါရဲ့။
Zaw Zaw Htun
February 19 at 12:11pm · Edited ·
ရ။
နှင်းဆီဟာ ချစ်ခြင်း အဓိပ္ပါယ်ကို ပေးတဲ့အတွက် သူမထိတွေ့သွားသော ငါ့ရဲ့နှင်းဆီများက အဆိပ်သက့်ညှိုးနွမ်းသွားခဲ့တယ်။ အခုထိပါပဲ။ နတ်ဝင်သည်တစ်ဦးရဲ့ ခပ်ကြမ်းကြမ်းခြေသံတွေနဲ့ ငါ့ဆီက ထွက်သွားတဲ့ ချစ်သူအတွက် မဖွင့်ဖြစ်သေးတဲ့ နှင်းဆီတွေ ငါ့မှာရှိတယ်။ မင်းသိသင့်တယ်လေ။ “ငါတို့ရဲ့ ခန္ဓာကိုယ်ဟာ ပေါင်မုန့်ကို အလိုရှိသလိုမျိုး နှလုံးသားက နှင်းဆီပွင့်တွေကို အလိုရှိတယ်” ဆိုတဲ့ ကဗျာဆရာမ ဂါးထရုစတိုင်း (Gartrude Stein) ရဲ့ စကားကိုပေါ့။
“နှင်းဆီပွင့် သေဆုံးတဲ့အခါ၊ နှင်းဆီရွက်များဟာ
ချစ်သူစက်ရာအဖြစ် စုပုံပေးကြတယ်”
ရှယ်လီ(သို့)
ငါဟာ နှင်းဆီနဲ့လုပ်တဲ့ကုန်းမြေတစ်ခု လက်ဆောင်ပေးချင်ပါတယ် ။ အဲဒီတုန်းက မြေပေါ်မှာ စာလုံးတစ်လုံးပဲ ရှိခွင့်ရမယ်ဆိုရင် “ချစ်ခြင်း” ဆိုတဲ့ စာလုံးကလွဲပြီး အခြားအရာကို ငါ ခွင့်မပြုနိုင်ပါဘူး။ ဒီလိုနဲ့ နေ့စဉ်ငါဟာ နှင်းဆီတွေပို့ဖို့ ကြိုးစားခဲ့၊ ရေမှန်မှန်သောက်ခဲ့၊ မပြောရဲတဲ့စကားတွေကို သစ်ခေါင်းပေါက်ထဲ ခေါင်းသွင်းပြီး အော်ဟစ်ခဲ့၊ ဆန္ဒရယ်၊ အာသီသရယ် ရောထွေးနေတဲ့ သံသရာပိုက်ကွန်ထဲက ရုန်းထွက်ဖို့ မကြိုးစားခဲ့ပေမယ့် စနေဂြိုလ်မင်းဆီ အနီရောင်နှင်းဆီ ဆယ်ပွင့်ကပ်လှူခဲ့တယ်။
တကယ်လို့များ နှင်းဆီမိုးများ ရွာမယ်ဆိုရင်ဖြင့် ငါ့ရဲ့ချစ်ခြင်းတွေကို ဂါထာတစ်ပုဒ်လို ရွတ်ဖတ်ပြီး မိုးခေါ်ခွင့် ရချင်ပါရဲ့။
ဇော်ဇော်ထွန်း
(၂၀၀၈)